Mini Bundt cakes... de chocolate!!

Mini Bundt Cakes 

(primeiro intento.. xa veremos se hai segundo!)

Ingredientes

• 2 tazas de fariña
• 1 taza de azucre 
• 1 culleradiña e media de bicarbonato de soda
• 1 taza de manteiga sen sal 
• 1/3 taza de cacao puro
• 1/2 culleradiña de sal  
• 2 ovos grandes 
• 1/2 taza de "crema agria" (sour cream)
• 1 culleradiña de extracto de vainilla

Instrucións

Prequentar o forno a 180º. 

Nun bol grande, mezclar a fariña co azucre e o bicarbonato de soda. Reservar. 

Nun recipiente (nunha pota ou nun cazo) pequeno, quentar a manteiga, o cacao, sal e 1 taza de auga a lume medio.

Cociñar, removendo, ata que ferva e quede ben mezcladiño (sobre 2 - 3 minutos). Despois engadir esta mezcla aos ingredientes secos e mezclar usando unha espátula de silicona ata que quede ben mezclado nunha masa húmida. Engadir os ovos, un de cada vez, ata que quede ben combinado. Finalmente engadir a "crema agria" ata que quede ben mezcladiño.

Verter a masa no molde e meter no forno durante 20-25 minutos (se tedes un forno como debe ser... non coma o meu!!) ou ata que ó clavar un palillo saia limpiño.

Sacar do forno e deixar enfriar polo menos 15 minutos antes de darlle a volta e deixar enfriar de todo nunha rexa.

A "crema agria" non é fácil de encontrar, asi que eu tentei facela daquela maneira... buscando por internet: usei dous iogures loureiro, que teñen que quedar na nevera escuando nun coador (que escúa sobre un bol) e tapado con papel film toda a noite. Quedar só co que queda no coador e tirar o escuado.

O día seguinte hai que botarlle dúas culleradiñas de zume de limón recén exprimido e remover ata que quede ben mezclado. Deixar repousar polo menos dúas horas.

A receita saqueina deste blog marabilloso: http://damndelicious.net/2013/02/22/chocolate-sour-cream-bundt-cake/

Penso que quedaría mellor con nata, a próxima probo porque non quedei nada convencida... bonitos si peroooooooo...

Muak!!